La Cinemateca Ambulante despide l’añu con 14 proyecciones en 13 conceyos asturianos

01/12/2021.- Asturies, Cultura en Rede ufierta esti mes más de 60 propuestes per tol territoriu asturianu coles actividaes de los circuitos temáticos d’artes escéniques, música, Xacobéu, lliteratura, Autores nel Camín, cultura tradicional y artes visuales. Asturies, Cultura en Rede ye un proyectu dela Conseyería de Cultura, Política Llingüística y Turismu, fechu en collaboración colos conceyos asturianos y xestionáu pola Sociedá Pública de Xestión y Promoción Turística y Cultural del Principáu d’Asturies.

21 funciones en 15 conceyos conformen la programación del circuitu d’artes escéniques pal mes d’avientu: Retablo de la avaricia, la lujuria y la muerte de Teatro del Norte, n’Uviéu; Magic Rhapsody de Mago Nacho, n’Uviéu y en Sotu’l Barcu; Muyeres inesperaes de Ververemos, en Villaviciosa; La loka historia de Frankenstein d’ACAR Teatro del Mundo en Ribeseya, Navia y Nava; Cuento de Navidad de Saltantes Teatro, en Ribeseya; Abre el ojo d’A66 Producciones, en Xixón; Secretum d’El Ilusionista Producciones y Espectáculos, en Tapia y en Llanera; Horror, el show que nunca se debió hacer d’El Jaleo Producciones Artísticas y El último en morir que apague la luz de Con Alevosía Teatro, en Samartín del Rei Aurelio; Imagina, Gala Familiar d’Adrián Conde Espectáculos y Gala de Magia d’El Ilusionista Producciones y Espectáculos, en Corvera; Con M mayúscula de Kamante Teatro, en Noreña; Pan de Teatro Plus, en Ḷḷena; El viaje de Dorothy de Fantastique Company y El Penalti más raro del mundo d’ACAR Teatro del Mundo, en Muros de Nalón; El Jorobado de Saltantes Teatro, en Llanera; y Adivina qué! D’Adrián Conde Espectáculos, en Llaviana. 

El circuito de música incluye nueve conciertos n’ocho conceyos esti mes. Celthia va actuar en Gozón; Petit Pop, en Villaviciosa; Trash-Tornadosy Buen Suceso, en Mieres; Enol Ensemble, en Cangas del Narcea; El Arca de Mozart, en Ribeseya y Muros del Nalón; Silvia Quesada, en Ḷḷena; y el grupu Concerto, con cuartetu de cuerda y sopranu, en Ribadeva. Amás, va haber cinco cites del circuitu Xacobéu, que van dexar disfrutar de Slum Suit en Llanes, de Celso Díaz Band en Pravia, de Tina Gutiérrez y Lucía Pérez con Asturias y Galicia: unión de dos culturas en Mieres, de Manín y el primer pelegrín d’Escenapache en Grau y de los Sonidos del Camino d’Héctor Bragaen Colunga.

De la mano del circuitu d’Autores nel Camín van facese once alcuentros n’ocho conceyos con autores ganadores de los premios convocaos pola Conseyería de Cultura, Política Llingüística y Turismu. N’avientu va haber un alcuentru con Emma Méndez, en Tapia;  con Factoría Norte y con Ruma Barbero, en Corvera; con Rodrigo Cuevas, n’Avilés, Grau, Corvera, Villaviciosa, Carreño, Cangas del Narcea y Bimenes; y con Gonzalo G. Barreñada, n’Avilés. Les once propuestes en nueve conceyos del circuitu de lliteratura van dexar al públicu participar y disfrutar de Taza de haikus d’Alicia Andrés Ramos, en Grau; La caja mágica de Carlos Alba Cellero, en Candamu; Operación Zanahorias d’El Arca de Mozart, en Villaviciosa y Llanes; Fierro, carbón y metralla d’Hoja de Lata Editorial, en Colunga; Torpecillo y Remangu d’El Arca de Mozart, n’Avilés, Navia y Ḷḷena; Cuentos del Jabón de Pompas y Pompones, en Ḷḷena; Cuentos de casa de Tras la Puerta Títeres, en Cabranes; y Puppys, en Navia.

La cultura tradicional va tar presente con Tradicionando de Fabriok - Fábrica de ocio y producción, en Ḷḷena; con Cuentos de la Xana, el Trasgu, el Cuélebre y el Nuberu d’Elisabet Martín Teatro, en Gozón y en La Ribera; y con Cantares y contares de Yheppa Títeres, en Castrillón. Amás, el circuitu d’artes visuales dexa ver hasta’l 22 d’avientu en Colunga la Trilogía poética: Al horru d’Ediciones Pata Negra y el Proyecto RCCA (Reinterpretación Contemporánea de la Cultura Asturiana) de Ricardo Villoria, hasta’l 13 d’avientu nel Muséu Etnográficu del Oriente d’Asturies en Llanes.

A esto súmase la programación de La Cinemateca Ambulante, que despide l’añu con 14 proyecciones del meyor cine en 13 de los 20 conceyos asturianos colos que collaboró esti trimestre. Noreña, Villaviciosa, Cangas del Narcea, Colunga y Ribadeva van ofrecer la proyección del clásicu Los peces rojos de José Antonio Nieves Conde, programáu con motivu del centenariu del nacimientu del director d’arte Gil Parrondo. Siero, Nava, Ḷḷena, Cabrales y Llanes van proyectar el documental Spaceship Earth de Matt Wolf, que s’emite nel marcu del proyectu Conceyos con Ciencia de la Conseyería de Ciencia, Innovación y Universidá del Principáu. Amás, A Veiga y Llanes van ofrecer la premiada La Calle del Agua, de la cineasta Celia Viada Caso, mentes qu’en Ribeseya y Piloña va poder vese El horizonte, una película de la realizadora suiza Delphine Lehericey que protagoniza Laetitia Casta.

La programación de los circuitos d’Asturies, Cultura en Rede pue sufrir modificaciones. Puen consultase les feches, horarios y la información actualizada en www.asturiesculturaenrede.es.