Convocatoria de patrociniu pa sofitar y reforzar aquellos eventos de calter singular y que poles sos característiques, impactu o relevancia puedan valorase como d’interés especial

28/02/2022.- La Sociedá Pública de Xestión y Promoción Turística y Cultural del Principáu d’Asturies promueve una convocatoria pa la selección d’un mínimu de 3 eventos, festivales o proyectos qu’han realizase na Llaboral Ciudá de la Cultura (Xixón), nel Muséu del Xurásicu d’Asturies (Colunga), nel Parque de la Prehistoria de Teberga (Teberga), nel Centru d’Arte Rupestre de Tito Bustillo y La Cuevona d’Ardines (Ribeseya), nel Centru de Recepción y Interpretación del Prerrománicu Asturianu (Uviéu) o nel Muséu Etnográficu de Grandas de Salime “Pepe el Ferreiro” (Grandas de Salime).

Nesta convocatoria establécense les bases y requisitos que van rexila, amás del procedimientu pa la selección de les actividaes o eventos con respetu a los principios de publicidá, concurrencia llibre y oxetividá.

La solicitú, xunto cola documentación riquida, ha presentase esclusivamente al traviés del de corréu electrónicu eventos@turismoycultura.asturias.es, nun únicu archivu PDF, preferiblemente nun archivu comprimíu, y tamién preferible al traviés de sistema d’enllaz de descarga esternu.

Nun se van almitir propuestes que se remitan al traviés d’otres canales.

Namás van valorase les solicitúes completes, acompañaes de tola documentación esixío na convocatoria.

La hora y fecha tope de presentación de les solicitúes van ser les 14:00 h. del 15 de marzu del 2022.

Descargar les bases completes equí.

Descargar los anexos a la convocatoria equí.