Convocatoria pa la selección de proyectos espositivos d´artes plástiques y visuales n´Asturies

La Sociedá Pública de Xestión y Promoción Turística y Cultural del Principáu d´Asturies promueve una convocatoria pa la selección de proyectos espositivos d´artes plástiques y visuales, y l´adquisición de los sos derechos d´esplotación, que se van desenvolver en diferentes espacios culturales asitiaos en distintos conceyos del Principáu d´Asturies.

L´oxetu de la presente convocatoria ye la selección de proyectos espositivos y actividaes complementaries, de cualquier disciplina artística dientro de les artes plástiques y visuales, pa la ellaboración d´un catálogu que sirva de pegollu pa la posterior programación d´esposiciones en distintes sales o espacios culturales allugaos en distintos conceyos del Principáu d´Asturies. Con esta iniciativa quierse complementar les programaciones habituales de los Conceyos cola contratación de delles esposiciones que se van poner a disposición de los consistorios.

Por aciu de la presente convocatoria establécense les bases y requisitos que van rexir la mesma, igual qu´el procedimientu pa la selección de los proyectos o propuestes artístiques que van integrar el catálogu con respetu a los principios de publicidá, llibre concurrencia y oxetividá.

La solicitú, xunto cola documentación riquida va presentase al traviés del rexistru creáu al efectu accesible al traviés de la URL http://panel.asturiesculturaenrede.es.

La hora y fecha llende de presentación de les solicitúes van ser les 14:00 hores del día 6 de payares del 2020.

Descargar les bases completes equí.

Corrección de errores 22 d´ochobre de 2020 equí.

Notes aclaratories 27 d´ochobre de 2020 equí.

Descarga el anexu a la convocatoria equí.