13/12/2022.- El circuitu d’artes escéniques d’Asturies, Cultura en Rede remata l’añu con espectáculos de teatru, maxa o clown pa toles edaes y per tol territoriu asturianu.

Esta selmana hai una programación artística amplia per tol Principáu: esti martes, Minerva, oh diosa, d’Hipnótica Circo Teatro, en Llangréu, y Verde Quijote y sus locuras, de VA Verdeyazul, en Ribadeva. El miércoles, Bojiganga, de Teatro del Cuervo, en Ḷḷena, y Black Friday, de Piquero Producciones, en Cangas del Narcea. El xueves, El náufrago de todos los naufragios, d’Economía por Ondas Producciones, en Piloña. El vienres, Garfio & Cía, d’ACAR Teatro del Mundo, en Sotu’l Barcu; Celeste, de Luz, micro y punto, en Grau, y The Asturian Sisters, de Factoría Norte, en Siero. El sábadu, Misery,de Saltantes Teatro, en Navia; Llázaro de Tormes, de Carlos Alba Cellero, en Valdés, y La mona Simona, de La Sonrisa del Lagarto, en Llanes. Y el domingu, Fame, d’Espectáculos Arlequina y La Líquida, en Ḷḷena.

Esti mes les propuestes pal públicu infantil y familiar multiplíquense. El día 19, David Acera va representar Apestosos pero sabrosos en Cabranes y el día 22, Patri Zenner, la maga de la naturaleza, va tar en Tinéu y ACAR Teatro del Mundo en Muros de Nalón con El penalti más raro del mundo. El 23 d’avientu, El Callejón del Gato va poner n’escena La neña de les trences al revés en Llaviana y ACAR Teatro del Mundo, Garfío & Cía en Navia; y va haber dellos númberos de maxa, col Mago Nacho y Magic Rhapsody en Llanera y con José Armas El Ilusionista y el so espectáculu Enigma en Castrillón. 

El públicu más mozo tamién va poder disfrutar de los Recuerdos d’Adrián Conde, el día 27 en Colunga y el 29 en Nava; de La loka historia de Frankenstein, d’ACAR Teatro del Mundo, el 27 en Nava; de Pinocho, de Mar Rojo Teatro, el 27 en Llanera, el 28 en Cangas del Narcea y el 30 en Villaviciosa; d’El secreto de Julio Verne, de Fantastique Company, el 27 n’Ayer y el 28 en Llanera; y de La mona Simona, de La Sonrisa del Lagarto, el 27 en Navia. El 28 d’avientu tamién va haber Tres canciones, tres cuadros, de Cuéntame un Cuadro, en Gozón, y n’Ayer, doble sesión teatral con Niue, under the coconuts, d’Escena Apache, y Garfio & Cía, d’ACAR Teatro del Mundo. A estes representaciones súmense’l 30 d’avientu La magia y el humor, de Mago Nacho, en Llaviana; las Brujas, de David Acera, en Llanera; y El viaje de Dorothy,de Fantastique Company, en Muros de Nalón.

Nesti últimu semestre programáronse 167 eventos de 53 compañíes en 42 conceyos, con una inversión superior a los 382.000 euros.

Los circuitos d’Asturies, Cultura en Rede son un proyectu dela Conseyería de Cultura, Política Llingüística y Turismu, fechu en collaboración colos Conceyos asturianos y xestionáu pola Sociedá Pública de Xestión y Promoción Turística y Cultural del Principáu d’Asturies. Amás del circuitu d’artes escéniques, hai circuitos temáticos de lliteratura, cultura tradicional, Xacobéu, música, artes visuales, Autores Nel Camín y Cuadonga 2022 - Camín de los Santuarios.