Convocatoria pa la selección de propuestes pa la ellaboración d´un catálogu d´artes escéniques y posterior programación d´un circuitu d´espectáculos nel Principáu d´Asturies

La Sociedá Pública de Xestión y Promoción Turística y Cultural del Principáu d´Asturies (d´equí p´arriba la SPGP) promueve una iniciativa pa escoyer propuestes escéniques con un doble oxetivu; per un sitiu, promocionar y espublizar el trabayu de les compañíes d´artes escéniques profesionales afincaes nel Principáu d´Asturies o de proyectos comercializaos por distribuidores asturianes al traviés d´un programa de representaciones de calidá, y por otru, facilitar l´accesu a la cultura de la ciudadanía asturiana n´espacios escénicos convencionales y non convencionales de los conceyos de la so redolada.

Pal desenvolvimientu del proyectu realízase la presente convocatoria por aciu la que se van escoyer espectáculos de les distintes disciplines d´artes escéniques (teatru, danza, circu, maxa y teatru d´oxetos y títeres) realizaos o propuestos por compañíes o distribuidores asturianes o afincaes nel Principáu d´Asturies.

A partir de la selección va conformase un catálogu d´espectáculos que se va poner a disposición de los Conceyos que tean interesaos en xuntase al proyectu pa que puedan programalos nos sos territorios, acordies con unes bases determinaes.

Dende la SPGP van contratase aquelles obres que resulten escoyíes polos Conceyos teniendo en cuenta los siguientes aspectos:

• Viabilidá técnica, económica y rigor presupuestariu.
• Disponibilidá de feches nos Conceyos.
• Coherencia nel marcu de la programación de caún de los territorios.
• Adecuación de les obres a los espacios escénicos disponibles.
• Trayectoria y esperiencia en programación cultural del consistoriu.
• Fomentu de la igualdá y la diversidá.
• Interés artísticu del espectáculu: orixinalidá de la obra, calidá y calter novedosu.
• Espardimientu y usu del asturianu y del gallegu asturianu.
• Contribución de les obres propuestes a fomentar el conocimiento, la protección, conversación y/o difusión del patrimoniu cultural asturianu, la inclusión social o la memoria democrática.
• Fomentu de l´actividá de ceadores asturianes y asturianos.
• Valoración de la programación nel so conxuntu para garantizar la diversidá de disciplines y la presencia equilibrada d´espectáculos.

Pretende xenerase un circuitu diversu y representativu del máximu númberu posible de disciplines d´artes escéniques.

Cada compañía va poder presentar a la convocatoria un máximu de trés espectáculos.

D´otramiente, el númberu máximu de funciones a contratar por espectáculu va ser de seis.

Descargar Bases completes y Anexu I (pdf) equí.

Descargar Anexu I (Word) equí.