El plazu de solicitú acaba´l 24 de payares

El Boletín Oficial del Principáu d´Asturies publicó´l Decretu 86/2020, de 13 de payares, pol que s´aprueben les ayudes urxentes a les persones trabayadores por cuenta propia, les comunidaes de bienes, sociedaes civiles y les pequeñes y medianes empreses del sector cultural del Principáu d´Asturies, pa quien l´actividá profesional se viere afectada poles restricciones derivaes de la crisis sanitaria causada por cuenta de la Covid-19.

El plazu de solicitú entama´l vienres 20 de payares y acaba´l martes día 24.

El formulariu web de solicitú atópase disponible na Ficha de Serviciu publicada na Sede Electrónica del Principáu d´Asturies (https://sede.asturias.es) que podrá localizase buscando´l códigu AYUD0270T01.

Igualmente ellaboróse una guía de les ayudes, qu´inclúi resume de la convocatoria, requisitos, forma de presentación y respuesta a duldes posibles.

Pa cualquier aclaración, enviar un corréu electrónicu a dgpatrimoniocultural@asturias.org

Descargar BOPA

Descargar Guía d´ayuda