Publícase amás la llista d’espectáculos almitíos y escluyíos nel Catálogu correspondientes al primer periodu del 2024

Va garrase esti catálogu como base pa la programación del Circuitu de Música del programa Asturies, Cultura en Rede

21/02/2024.- El Gobiernu del Principáu d’Asturies publica la llista d’espectáculos almitíos y escluyíos nel Catálogu de l’Actividá musical asturiana de calter profesional correspondiente al primer periodu del añu 2024 y procede a l’apertura del segundu periodu anual del 2024 d’incorporación de producciones musicales al mesmu.

Van poder formar parte d'esti catálogu producciones musicales d'artistes, grupos y empreses profesionales del sector musical allugaes n'Asturies, qu’habrán inscribise nun plazu de veinticinco díes naturales desque entre en vigor la resolución publicada nel BOPA N.u 37 de 21 de febreru de 2024, al traviés de la web http://panel.asturiesculturaenrede.es

Nel casu de los espectáculos que yá tean incorporaos, nun ye necesario volver a tramitar la so incorporación; queden formando parte del catálogu pal periodu señaláu.

Los espectáculos inscritos nel catálogu puen retirase en cualquier momentu, previa solicitú de la persona solicitante.

Va garrase esti catálogu como base pa la programación del Circuitu de Música del programa Asturies, Cultura en Rede.

Consultar tola información y les bases completes de la convocatoria equí.

Descargar l’anexu III