Convocatoria pa la selección de propuestes d´actividaes didáctiques y lúdiques y posterior programación en dellos equipamientos del Principáu d´Asturies

La Sociedá Pública de Xestión y Promoción Turística y Cultural del Principáu d´Asturies promueve una Convocatoria pa la selección de propuestes d´actividaes didáctiques y lúdiques y posterior programación en dellos equipamientos del Principáu d´Asturies.

L´oxetu de la presente convocatoria ye la selección de dellos proyectos pa la posterior programación de distintes actividaes didáctiques y lúdiques que van ser realizaes nes distintes sedes onde la Sociedá Pública de Xestión y Promoción Turística y Cultural desenvuelva la so actividá cultural.

Con esta iniciativa pretende complementase les programaciones habituales de los equipamientos culturales, turísticos o deportivos xestionaos pola Sociedá Pública de Xestión y Promoción Turística y Cultural a partir de la contratación de delles actividaes que se van incluyir na programación añal, mesmo qu´atender posibles necesidaes que puedan surdir nel marcu de la organización d´actividaes especiales tales como la Selmana de Les Lletres, el Día d´Asturies… y que van tener llugar en distintos conceyos del Principáu d´Asturies.

Por aciu la presente convocatoria establécense les bases y requisitos que van rexir la mesma, mesmo que´l procedimientu pa la selección de les actividaes o propuestes que van integrar esti llistáu al respective de los principios de publicidá, llibre concurrencia y oxetividá.

La solicitú, xunto cola documentación riquida, ha presentase al traviés del rexistru creáu al efectu accesible a través de la URL http://panel.asturiesculturaenrede.es

La hora y fecha llímite de presentación de les solicitudes van ser les 14:00 hores del día 5 d´abril del 2021.

Descargar les bases completes equí.

Descarga los anexos a la convocatoria n´asturianu equí.