De la mano del circuitu d´artes plástiques y visuales van poder visitase les muestres FugArte del´Asociación d´Artistes Independientes Los Purificadosn´Uviéu, Ecos de Ramón Isidoro y A Bulto Cultura en Navia y Al horru d´Ediciones Pata Negra n´Avilés

30/03/2021.- Abril va ser un mes lliterariu coles distintes propuestes d´Asturies, Cultura en Rede, el proyectu dela Conseyería de Cultura, Política Llingüística y Turismo fechu en collaboración colos conceyos asturianos y xestionáu pola Sociedá Pública de Xestión Turística y Cultural del Principáu d´Asturies, que tamién inclúi circuitos temáticos d´artes plástiques y visuales, cultura tradicional, música y artes escéniques per dellos conceyos del Principáu.

El circuitu de lliteratura cunta con una programación bien amplia esti mes nel que se celebra´l Día del Llibru. El Arca de Mozart va llevar ¿A qué suenan los libros? a Llanera, L.lena, Nava, Cangues d´Onís, Noreña y Colunga; Carlos Alba va tar col cuntacuentos Lo que me contó la Tía Carola n´El Franco, Grau y Tinéu y con Narrativa corta del Siglo XX español, en Valdés; les hermanes Sil y Gema Fernández con Animalías e Incertidumbre n´Uviéu; Musa Cafeína, con Tierra Fada en Llanera y con Soy palabra, soy una canción, en Villaviciosa; y Puppys, en Corvera, Ribeseya, Muros de Nalón y Uviéu. Va haber, amás, un taller d´iniciación a la creación d´una novela en Les Regueres, de narración y escritura creativa en Navia y sobre cómo facer un llibru infantil en Xixón, a lo que se suma un proyectu de dinamización llectora y creación lliteraria, Ellas viajan de Vialibri, a partir del 19 d´abril en Llaviana.

De la mano del circuitu d´artes plástiques y visuales van poder visitase n´abril trés muestres nos conceyos d´Uviéu, Navia y Avilés. Dende´l 6 d´abril pue vese Ecos de Ramón Isidoro y A Bulto Cultura en Navia, onde se recrea´l desafíu de tar nel paisaxe y tar na pintura; y dende´l 7 d´abril n´Uviéu, FugArte, un proyectu artísticu multidisciplinarde l´Asociación d´Artistes Independientes Los Purificados.  El 13 d´abril inaugúrase n´Avilés la Triloxía poética ilustrada Al horru d´Ediciones Pata Negra, integrada por 60 poetes y otros tantos artistes plásticos onde se fai homenaxe a esti elementu mueble tan representativu d´Asturies.

La cultura tradicional va tar presente cola conferencia teatralizada Los reyes asturianos de Laura Iglesia en Navia, afondando na mitoloxía asturiana o na vistimenta tradicional con Aladanza, educación y tradición en Llanes, Grau y Castrillón y nos instrumentos con Ente les cuerdes de Rubén Bada en Sotu´l Barcu. Tamién va poder disfrutase de cuentos basaos na tradición oral asturiana con Carlos Alba en Xixón, Navia y Carreño; de Cuentos, conseyes y marionetes d´Elisabet Martín Teatro en Villaviciosa, L.lena y Nava; y d´una Ruta primitiva por Asturias en Llanes y Navia, qu´axunta parte del vestuariu creáu por Maite Capín pa la película El Crucigrama de Jacob d´Ana L. Martín.

Va haber música cola Orquesta Céltica Asturiana en Ribeseya y L.lena; con Dixebra en Grau; con Anabel Santiago en Llanes, Samartín del Rei Aurelio y Salas; con Rafa Lorenzo en Colunga; y con Jorge Cambareli Cuartet en Valdés.

Nel marcu del circuitu d´artes escéniques van poder vese n´abril espectáculos de teatru, danza o maxa en más d´una ventena de conceyos: Libertad, libertad, libertad de Producciones Nun Tris y Black Friday de Piquero Producciones en Mieres; El Gran Braulio d´Adrián Conde en Tinéu; Cuidado con las palabras de Guayominí Producciones en Pravia; Cuentos por la igualdad d´Elisabet Martín Teatro en Llaviana; Shoal de Dana Raz Dance Projects y Abre el ojo d´A66 Producciones n´Uviéu; Si pudiera... de Con Alevosía Teatro en Ribeseya; Museum: la historia del arte para niños y niñas d´Espectáculos Arlequina y La Líquida Teatro en L.lena; La historia de la pequeña rape abisal de Producciones Viesqueswood en Muros de Nalón; ¡Ay Carmela! de Carmela en Xixón, L.lena y Carreño; Azul y la revolución de los colores de Mar Rojo Teatro en Tapia; Corín Tellado, el espectáculo d´El Jaleo Producciones en Cangas del Narcea y El Franco; La gran sultana d´Economía por Ondas en Piloña; Marce y Dioni d´El Desván de los Deseos en Nava; Cuentos del atardecer de Tragaluz Títeres en Ribadedeva; En un lugar de la niebla de Ververemos en Cangues d´Onís; Pan de Teatro Plus en Villaviciosa y Xixón; Danza para niños kinkis de Proyecto Piloto en Salas; Bojiganga de Teatro del Cuervo en Llanera; y Disculpe, Caballero de ZigZag Danza en Colunga.

La programación d´Asturies, Cultura en Rede pue sufrir modificaciones a tenor de la evolución de la pandemia por Covid-19. Puen consultase les feches, horarios y la información actualizada en www.asturiesculturaenrede.es.