Publícase amás la llista d’espectáculos almitíos y escluyíos nel Catálogu correspondientes al primer periodu

La Conseyería va garrar esti catálogu como base pa la programación del Circuitu d’Artes Escéniques del programa Asturies, Cultura en Rede

05/05/2021.- La Conseyería de Cultura, Política Llingüística y Turismu publica la llista d’espectáculos almitíos y escluyíos nel Catálogu de l’Actividá escénica asturiana de calter profesional correspondiente al primer periodu del añu y procede a l’apertura del segundu periodu anual d’incorporación de producciones escéniques al mesmu.

Van poder formar parte d’esti catálogu producciones escéniques de compañíes y empreses escéniques radicaes n’Asturies, pertenecientes a los ámbitos de la danza, teatru, circu, maxa, teatru d’oxetos y títeres, qu’han inscribise nun plazu de diez díes naturales a partir del día d’entrada en vigor de la resolución al traviés de la web http://panel.asturiesculturaenrede.es

Los espectáculos que yá s’incorporaren nel primer periodu d’inscripción del añu en vigor, nun ye menester que s’incorporen porque yá formen parte del catálogu.

Los espectáculos inscritos nel catálogu puen retirase d’él en cualquier momentu, previa solicitú per escrito del titular de la producción escénica a la dirección xeneral competente en materia de promoción cultural.

Consultar tola información y les bases completes de la convocatoria equí.