Noticies
La Conseyería de Cultura, Política Llingüística y Turismu abre’l primer periodu anual del 2022 d’incorporación de producciones musicales al Catálogu de l’Actividá Musical Asturiana
Música
Publícase amás la llista d’espectáculos almitíos y escluyíos nel Catálogu correspondientes al segundu periodu del 2021
La Conseyería va garrar esti catálogu como base pa la programación del Circuitu d’Artes Escéniques del programa Asturies, Cultura en Rede
21/10/2021.- La Conseyería de Cultura, Política Llingüística y Turismu publica la llista d’espectáculos almitíos y escluyíos nel Catálogu de l’Actividá musical asturiana de calter profesional correspondiente al segundu periodu del añu 2021 y procede a l’apertura del primer periodu anual del 2022 d’incorporación de producciones escéniques al mesmu.
Van poder formar parte d'esti catálogu producciones musicales d'artistes, grupos y empreses profesionales del sector musical allugaes n'Asturies, qu’habrán inscribise nun plazu de diez (10) díes naturales desque entre en vigor la resolución publicada nel BOPA N.u 203 del xueves 21 d’ochobre del 2021, al traviés de la web http://panel.asturiesculturaenrede.es
Nel casu de los espectáculos que yá tean incorporaos, nun ye necesario volver a tramitar la so incorporación; queden formando parte del catálogu pal periodu señaláu.
Los espectáculos inscritos nel catálogu puen retirase en cualquier momentu, previa solicitú de la persona solicitante.
La Conseyería va garrar esti catálogu como base pa la programación del Circuitu de Música del programa Asturies, Cultura en Rede.
Consultar tola información y les bases completes de la convocatoria equí.
