La panera de casa Galán

Autor: Jaime Santos

Disciplina: Cine

Descripción:

La postguerra n’Asturies tamién se conoz como’l tiempu la fame y, en términos d’economía franquista, como’l periodu l’autarquía. Foi nesti periodu nel que se construyeron los últimos grandes horros y paneres d’Asturies. Delantre la casa l’autor, en Pousada de Rengos, álzase la monumental panera de Casa Galán, fecha en 1915, trés años antes d’una pandemia mundial, la Fiebre de la Moda, que mató a 7.000 asturianos y que se cebó sobre manera en Cangas del Narcea, onde los muertos foron camín del millar. Cerca de Pousada, en Cibuchu, la “panera jónica” de Casa Marcela tien fecha de 1919, añu nel que remitió la pandemia nesta zona.

El trabayu que propón l’autor ye una reflexón sobre esti fechu dende’l confinamientu que nos impón la primer crisis del coronavirus, na primavera del año 2020.

Jaime Santos ye llicenciáu en Ciencies de la Comunicación pola Universidá Complutense. Trabayo pa dellos medios de comunicación como RTPA, el diariu La Voz de Asturias o la revista Atlántica XXII. Como cineasta ye autor del curtiu Trubia, esto ye patrimonio y les películes documentales Prejubilandia, Guardianes de la cultura rural, La Casa Viva, Hórreos: cofre y tesoro y Escombro, una historia a cielo abierto.