Cómic y memoria democrática

Autor: Alberto Vázquez

Disciplina: Artes plástiques

Descripción:

L’artista gráficu Alberto Vázquez danos les claves pa facer un tratamientu correctu de la Memoria Democrática nel cómic, destacando aquelles acciones previes a la creación de les viñetes como l’asesoramientu históricu (el papel de los y les historiadores nel trabayu) o la documentación (semeyes vieyes, vestimienta, vehículos, armes, prensa censurada, prensa del exiliu...). Amás, vamos ver cómo tratar testimonios orales y los testos autobiográfios, como organizar, filtriar y escoyer la información o cómo solucionar los problemes y torgues que pue atopar l’artista al tratar temes incómodos o cuestionar mitos.

Vázquez ye autor de dellos documentales sobre’l movimientu obreru asturianu y l’exiliu republicanu: 1934. Alcordances d’una revolución, 1962. La lluz que vino del corazón de la tierra, 1965. Asaltu a la comisaría de Mieres, 1934-1945. Diez asturianos nel exiliu francés y Mines de Figareo. Memoria d’una llucha, 1978 - 1980.

Como dibuxante trabayó en La Nueva España y en delles publicaciones del sindicatu Comisiones Obreres y de ONG como Soldepaz-Pachakuti. Ganador del Premiu Alfonso Iglesias de Cómic con Los llazos coloraos, una obra sobre les fuelgues mineres n’Asturies baxo’l franquismu.