DesTerrado

Autor: Nacho González

Disciplina: Cine

Descripción:

DesTerrado reflexa’l procesu creativu d’una pieza documental sobre’l confinamientu que l’autor lleva desenvolviendo de magar empezó l’estáu d’alarma.

Dende la grabación de les imáxenes al montaxe, va esplicase cómo se graba y edita una pieza documental de forma didáctica (el montaxe de la cámara de cine, por qué s’usa una lente y non otra, software d’edición usáu…). Asina mesmo, l’análisis de les imáxenes grabaes va llevar a una reflexón sobre la situación que tamos viviendo y cómo afecta a la ciudadanía (el silenciu nes cais y apreciación del cantar de los páxaros, la socialización de los vecinos al traviés de los balcones, etc.).Tamén se va pescudar no que siente un autor asturianu que, por azar, pasa’l confinamientu lloñe de la so tierra (Xixón).

Nacho González ye operador de cámara y director de fotografía, con trabayos premiaos nel Festival Internacional de Cine de Xixón.