Nestos díes

Autor: Pablo Casanueva

Disciplina: Cine

Descripción:

Ensayu cinematográficu que —apoyándose nel esquema la gueta (fuera), guión (dientro), rodaxe (fuera), montaxe (dientro), muestra (fuera)— pon en diálogu los términos de dientro y fuera, tan en rellación col confinamientu, col procesu creativu fílmicu.

Con too ello, repásase la producción artística del autor de la que ye la crisis sanitaria: la escritura de guiones, la creación de dos pieces y el montaxe d’un curtiumetraxe. El metallinguaxe, l’humor y l’autorreferencia, amás d’una variedá formal na imaxe, son los elementos pa esplicar en llingua asturiana’l día a día d’un realizador audiovisual mentes ye l’estáu d’alarma.

Pablo Casanueva entama la so rellacción cola imaxe al traviés de la pintura. Sigue cola fotografía y desendólcase nel cine. Diose a conocer nel 2013 col estrenu de Bernabé, el primer llargumetraxe n’asturianu, col qu’algamó un gran éxitu de públicu. Depués estudia Comunicación Audiovisual na Universidá de Burgos y na Universidá del País Vascu en Bilbao.

El so discursu artísticu básase na memoria, familiar y colectiva, y nel retratu identitariu de la realidá asturiana. Ente les sos obres destaquen: La sele construcción de la memoria (2017) y Escontra la casualidá (2018), dambes estrenaes nel Festival Internacional de Cine de Xixón nel 2018, y el curtiumetraxe musical Mensaxe pa la mocedá del Imperiu (2019), basáu na obra de Xaime Martínez. Como fotógrafu presentó dos series individuales: Xente (2013) y Cierre (2017); y la obra colectiva Ribadesella en 4 (2018). Tien dirixío dellos videoclips pa grupos como Los Berrones, Héctor Braga, Almatrampa o Synesthesia