Umbrales de sucesos

Autor: Cristina Ferrández

Disciplina: Artes plástiques

Descripción:

Umbrales de sucesos ufierta un percorríu curtiu pela creación audiovisual de Cristina Ferrández, los sos proyectos multidisciplinares (Terra incógnita, The Non Visible, Campos de Utopía, La fuga de Perséfone, Instante Entropía) y tamién pieces aislaes de videoarte. En toes elles se pon de relieve la preponderancia del paisaxe como socedíu en sí mesmu, más que como escenariu de socedíos.

L’autora amuésanos les claves del so procesu creativu, dende la observación al trabayu de campu y edición dixital posterior y vemos cómo, dende’l so centru d’operaciones nel mundu rural asturianu, el so trabayu desenvuélvese escontra’l territoriu natural, tresformáu o preserváu, como fonte d’inspiración y materia artístico cargao de metáfores visuales onde realcontranos, pa proceder depués a deslocalizase en forma de proyectos con un mensaxe universal y reconciliador ente la humanidá y el planeta.

Cristina Ferrández ye artista visual y investigadora. Trabaya nel área de la creación artística como procesu críticu y reflexivu, desenvolviendo proyectos visuales que ponen en valor el territoriu natural, como espaciu d’evolución y reconexón colo esencial. Ye llicenciada en Belles Artes pola Universidá de Castiella-La Mancha. Tien un Postgráu de videu dixital na Universitat Pompeu Fabra de Barcelona y obtuvo delles beques d’investigación y creación artística de delles instituciones nacionales y internacionales.