Producción de bandas sonoras

Autor: Jorge Granda

Disciplina: Cine

Descripción:

El compositor uviedín Jorge Granda fai nesti proyectu un repasu xeneral a los principales procesos productivos na creación de bandes sonores orixinales pal mediu audiovisual. Cola masterclass “Bandas Sonoras: Del guión a la copia final” como base, el músicu propón esti percorríu al traviés de la so esperiencia personal de trabayu onde non solo define y desenvuelve dellos conceptos de la música nel cine contemporaneu, sinón qu’espón y analiza aspectos clave de la banda sonora moderna, sobre manera n’ámbitu de la ficción y el cine independiente.

Jorge Granda ye compositor y productor musical especializáu na creación de bandes sonores orixinales pal cine. Tien 10 años d’esperiencia nel sector audiovisual: llegó a grabar música pa más de 30 proyectos, ente los que s’incluyen 5 llargumetraxes, 2 documentales y más de 25 obres en formatu curtiu. Recibió dellos premios a nivel nacional y internacional, destacando’l Jerry Goldsmith Award nel 2019 amás de 3 nominaciones nos Hollywood Music in Media Awards. N’ámbitu rexonal, llogró 3 nominaciones siguíes como meyor músicu de cine nos premios del Anuario de la Música en Asturias (AMAS) y una nominación nos premios GAVA. Anguaño trabaya na música de dos llargumetraxes y un discu nuevu que va ver la lluz en xunu del 2020.