El alma del hierro

Autor: Paz Prieto del Álamo

Disciplina: Artes plástiques

Descripción:

L’artista y ferrera Paz Prieto del Álamo, discípula del maestru ferreru Fritz Bramsteidl, crea nel so proyectu una pieza de forxa nel taller que comparte n’Os Ozcos, axuntando los métodos tradicionales con una visión artística del so oficiu. La pieza creada va ser un concu-xoyeru ellaboráu en fierro, que va reproducir la forma d’una fueya de yedra, un trabayu que va buscar l’equilibriu ente les formes orgániques de los motivos vexetales y la fuercia sólida del metal.

Paz Prieto del Álamo estudió bachiller d’Arte y d’ehí partió’l so entusiasmu poles escultures. Siguió los sos estudios en Diseñu y Artes aplicaes a la Madera, onde descubrió nel cueru ún de los sos materiales favoritos. N’acabando, trabayó nun tallerín de moldes, onde se familiarizó colos procesos de reproducción con resina. D’ehí entró a formar parte d’una empresa de reproducciones artístiques, onde ganó esperiencia na restauración y conservación de pieces.