Cómo naz un poema

Autor: Gonzalo González Barreñada

Disciplina: Lliteratura

Descripción:

El proyeutu va narrar el procesu de nacimientu d’un poema dende’l momentu en que naz la inspiración del mesmu hasta l’instante en cómo termina traducida la idea orixinal en papel. Vamos acompañar al autor, Gonzalo González Barreñada, na so vida cotidiana de la so casa d’El Serrallo (Sotrondio, Asturies), llugar del qu’estrái él imáxenes ya idees que llueu van vese reflexaes na so creación lliteraria. Esti procesu va narrase pol autor en voz n’off, y amás va acompañalu d’imáxenes propies del so día a día y de los oxetos, paisaxes, etc., que lu arrodien.

Gonzalo González Barreñada ye llicenciáu en Xeografía y Hestoria pola Universidá d’Uviéu,  ye narrador y poeta en llingua asturiana. Nel añu 2016 publica’l so primer llibru de poesía, Biografíes, con Saltadera, editorial cola que tamien espubliza’l so segundu poemariu, El pesu de la lluz. Col so tercer llibru de poemes, El llar n’orde, lleva’l premiu Xuan María Acebal nel añu 2019. Autor tamién d’una novela, La casa de Xuan Buelga, y d’un llibru de rellatos, Hestories de Burgundu, espublizaes en Saltadera. Collabora tamién na revista asturiana de cultura Campo de los Patos, onde tien publicáu l’ensayu biográficu El cuadernu bermeyu.