Procesos de elaboración de Escultura. Fundición en bronce.

Autor: Auriga (Rudy Lobosco y Santiago Longo)

Disciplina: Artes plásticas

Descripción:

Rudy Lobosco y Santiago Longo presenten nesti proyectu un resume audiovisual de tolos procesos d’ellaboración d’una escultura en bronce, cola técnica de la cera perdío. Dientro del procesu de la fundición escultórica y siguiendo procesos artesanales dafechu, amuesen al espectador cómo ye’l diálogu col artista dende los primeros bocetos, pasando pela ampliación de les pieces orixinales al so tamañu definitivu. Vamos ver el bocetáu, los armazones, la ellaboración de moldes o la cocción del molde hasta la preparación de la "colada" nel fornu de fundición. Como se pue observar, tolos procesos pa llograr una pieza en bronce son complexos y artesanales dafechu. Esta técnica, anque avanzaron a lo llargo de los sieglos les meyores en cuanto a los fornos y dellos materiales, sigue siendo totalmente igual que los bronces de dómines antigües. Con esti proyectu vamos entender cómo se realicen eses pieces que visten les nuestres ciudaes y que, de xuru, más d’ún entruguémonos cómo lo fadríen.

Auriga ta formada por dos escultores mozos, Rudy Lobosco y Santiago Longo, titulaos pola Escuela Superior d’Arte del Principáu d’Asturies (ESAPA) en Conservación y Restauración de Bienes Culturales na especialidá d’Escultura. Tienen, amás, una esperiencia amplia en munches de les rames d’arte, como’l diseñu gráficu y 3d, historia del arte, ente otres especialidaes. Auriga ta dedicada namás al mundu de la restauración y la escultura en tolos sos procesos: modeláu, moldiáu, reproducción en resina o otros materiales y, p’acabar, a la fundición en bronce, latón o aluminiu.