Playlist, el decimotercer discu d´estudiu de la banda Revólver, preséntase como un álbum de versiones d´artistes qu´anguaño inspiren a Carlos Goñi y que quixo llevar al so tarrén musical.

Según diz el mesmu Goñi, ye un discu de versiones, ye verdá; pero non de la xente que fixo que me dedicare a esto (que pa eso yá ta Adictos a la Euforia), sinón de los que faen que me siga pagando la pena facelo más allá de lo que m´emociona´l tocar los mios temes propios. Ye fácil imaxinar que la selección de cantares foi un poema; pero como me dixo va tiempu un señor que sabía bien d´ello, lo de los cantares ye una cuestión de piel, y puntu. Nun quixi dime lloñe nel tiempu col asuntu del repertoriu, que yá habrá ocasión (si me lo pide´l cuerpu), de manera que d´equí a poco vais poder descubrir esti conxuntu de temes maraviyosos que m´emocionen y respiguen hasta querer ser yo´l so autor.