Circuitu d´artes escéniques

Una submarinista métese a bucear nun mar aparentemente vaciu y escuru onde va descubrir una cantidá desaxerada de seres, con formes estremaes y impulsos distintos. Va llegar a ver coses que-y afalaguen los sentíos y otres que nun-y presten tanto, como la basura que flota nel mar, pero, ablucada con esi mundu maraviyosu, ensin saber cómo, ella mesma va cambiar de forma, o igual lo único que fai ye dexar salir dalgo que tenía mui adientro.

L´espectáculu fala del respetu a lo diferente y el respetu a la naturaleza.