De Tokyo Blues a Gritos Sordos, del fotógrafu brasileñu Miguel Rio Branco, ye la esposición de la Sala de Fotografía, del 28 de xunu al 3 de payares, onde’l so trabayu d’imáxenes cruciaes tresfórmase en dellos casos n’otres pieces, como nuna verdadera metamorfosis.

L’orixe del proyectu De Tokyo Blues a Gritos Sordos ta nun viaxe del propiu Miguel Rio Branco (1946), ún de los nomes más respetaos de la fotografía brasileña, a Xapón, país que siempre lu sorprendió polos sos grabaos, el cine de los directores Kenji Mizoguchi y Akira Kurosawa y tantos otros, amás de la so arquitectura.

Toles imáxenes de la primer parte del proyectu vienen del trabayu realizáu en paralelo col fotógrafu xaponés Daido Moriyama, con puntos de vista personales bien distintos: ún más cinematográficu; otru más simbólicu, meditativu, pictóricu. La obra más complexa que va poder vese ye Tokyo Long Neck, que va espardese a lo llargo de 17 metros de la Sala de Fotografía y que representa pa Miguel Rio Branco una síntesis de lo que sintió en Xapón naquellos tiempos