Circuitu de música

Ún de Grao trío ye la segunda fase del proyectu en solitario de José Martínez Álvarez, músicu y compositor que funde les raíces na tradición folk asturiana p’averala a estilos variaos de la música popular contemporánea, y que nesta ocasión incorpora la sabencia y el bon facer de dos grandes maestros de la escena jazz de Xixón como son César Latorre (teclaos) y Horacio García (contrabaxu).

Una propuesta onde se caltién el protagonismu de la lletra, la colocación de la voz y los característicos melismes nos finales de frase (hasta evoca floreos de gaita cola guitarra en dalgún tema) y incorpora con naturalidá patrones del swing, el soul o la bossa nova.