Más de 60 artistes ponen en pie esta zarzuela, un percorríu musical y emocional pela Asturies de mediaos del sieglu XX. Cantares y vezos que se crucien nel Avilés rural, industrial y el paisanaxe de xeneraciones, que van ver cómo una villa, la de Pedro Menéndez, pasa de quince mil almes a convertise en llugar de confluencia pa media España. Va ser el resultáu de la industrialización y el progresu, onde miles de families lleguen p’axuntase colos avilesinos de siempre, y ente toos van facer de la ciudá de Palacio Valdés una potencia meltalúrxica de primer orde européu.

Carretera d’Avilés, ún de los cantares más señalaos del repertoriu asturianu, va convertise na piedra angular d’esta zarzuela, onde confluyen la canción asturiana y la llírica, la tonada y el baille asturianu, les voces corales y la dramaturxa… y la canción popular d’Avilés nel horizonte, siempre presente.
Un paséu pela plaza céntrica d’El Parche y les sos cais empedraes d’al llau,
onde pintores, músicos y escritores escriben les ringleres y estampes más guapes d’esta villa marinera, idílica, bucólica y allegre. Música y cantares que sobrepasaron el tiempu alcen la voz y conviértense na seña d’identidá d’un pueblu.