Proyectu de Javier del Río

La esposición preséntase por cuenta del ventésimu aniversariu del so fallecimientu. La muestra ta integrada por trenta y cuatro pintures y escultures propiedá de la familia del artista. Les obres espuestes, que cubren gran parte de la carrera del artista, enmárquense cronolóxicamente dende la década de 1990 hasta´l so fallecimientu nel añu 2004.

Javier del Río (Xixón, 1952), con 14 años fai los sos primeros óleos, averándose a la obra de Picaso y Mondigliani. En 1975 ta en Londres, onde conoz la obra de Bacon y de dellos artistes surrealistes. De 1976 a 1982 vive n´Italia, onde estudió Belles Artes n’Urbino. En 1982 vuelve a España, viviendo en Colunga, y dende 1985 vivió en Xixón.

Nos años 90, naz nel pintor l´interés pola escultura. Esti interés intensificóse entá más al recibir en 1996 la Beca Antón d´Ayuda a la Creación Escultórica. La concreción de la Beca materializóse na realización de la escultura “El Chatu”, tallada en piedra, que quedó instalada nel Xardín Escultóricu apegáu al Muséu Antón.