Un proyectu de: Nicolás Cancio

Esti proyectu axunta baxo un mesmu techu la visión sobre’l paisaxe asturianu d’ocho fotógrafos con un oxetivu doble: per un llau, mostrar exemplos de la rellación ente sociedá y territoriu; y per otru, facilitar el diálogu interxeneracional al traviés de la participación de figures afianzaes con talentos emerxentes.

La fotografía afita pa siempre l’estáu del paisaxe nel momentu de la toma. Tiempo y paisaje axunta nuna mesma sala semeyes de delles époques, al traviés de les que pue contemplase la evolución histórica de los últimos 40 años y reflexonar sobre lo que queda y lo que desapaez; sobre lo que paga la pena caltener y sobre les nuestres propies vides.