Circuitu d’artes escéniques

El mundu de Valéry paez qu’esbarrumba cuando s’entera de que so casa, el so llar, y el qu’un día foi de so güelu, Xulio Verne, va convertise nun muséu. Decide entós zarrase nel apasionante gabinete del güelu: ellí va descubrir qu’esti nun foi namás escritor, sinón un gran aventureru y que toles histories qu’él escribió foron reales, hasta’l puntu de que’l cohete tripuláu de De la tierra a la lluna, sigue orbitando alredor d’ésta. Como’l güelu yá nun ta, va ser la mesma Valéry quien va tener qu’ayudar a los tripulantes a aterrizar na lluna, pa eso va cuntar cola ayuda d’un corcuspín sabichiegu llamáu Passepartout, y de los personaxes de les noveles de Xulio Verne.