Circuitu d’artes escéniques

"Histériques". Esi foi’l diagnósticu qu’a lo llargo de los sieglos valió pa etiquetar a munches muyeres que nun encaxaben dientro de los convencionalismos sociales del so tiempu. Les muyeres nun tábemos oprimíes, tábemos lloques. 

Un rellatu cargáu d’humor y ironía pa pasiar pela Historia de la "histeria" y los sos tratamientos tan llamaderos, que diben dende l’enzarru de la paciente, hasta la invención del primer vibrador femeninu nel sieglu XIX.

Amás, el rellatu compleméntase con música en directo, con temes como Like a Virgin de Madonna, Se acabó de María Jimérez o Lo siento, mi amor de Rocío Jurado, que van poner la nota musical al eventu.