Vamos facer un itinerariu pel Valle del Caudal incluyendo’l Pobláu Mineru de Bustiello, nel conceyu de Mieres, que ta estremáu en dellos niveles: cases pa los mineros, residencies d’inxenieros d’empresa y escuela, ilesia y casinu. La visita al Aula d’interpretación del Pozu Espinos, allugáu no que yera la llampistería, déxanos entender el funcionamientu d’estes instalaciones y lo que foi la historia industrial de la zona, dientro del Paisaxe Protexíu de les Cuenques Mineres. Depués de xintar en Morea, vamos facer un percorríu pequeñu de la Sienda Verde del Valle de Turón, que sigue’l trazáu d’un ferrocarril, apta pa tolos públicos (ruta de dificultá baxa, duración ente 90 min-2 hores máximu)