Circuitu d’artes escéniques

Nesti espectáculu refléxase’l mundu heroicu de los cuentos maraviyosos y de les noveles de caballeríes y el mundu popular de la novela picaresca. Asina, atopámonos con un llinguaxe esquisitu y modernista xunto al llinguaxe popular inxeniosu y crudu. Un clásicu de la nuestra lliteratura dramática, que paga la pena revisitar.

Caún de los seis intérpretes son una especie de personaxes (bohemios, modernos, snobs) de primeros del sieglu XX, que nun momentu determináu “entren” nel mundu irónicu con que Valle enllena caúna de les situaciones de la obra. El propiu Valle-Inclán, interpretáu por Marino Villa, participa tamién nes escenes de maneres inesperaes.