Circuitu de narración oral

Depués de sieglos encuadrada nun personaxe de mala de cuentu, comiendo a la reciella hasta l’ardura d’estómagu, saliendo a mercar de nueche pa que nun la atacaren los pueblos vecinos, la Lloba Farruquita cumplió’l so suañu de retirase a una cabaña en monte onde pasar en paz los sos últimos años. Fartuca de comer carne y de que-y tuvieren mieu, quixo cambiar la dieta y de la que probaba les coses riques que-y ufiertaba’l monte descubrió que les palabres y los amigos yeren los meyores ingredientes pa la so dieta nueva: la llectura compartida.

Sicasí, la narración nun pasa ensin pilancos, porque de sópitu apaecen dellos murinos qu’empiecen a interactuar col públicu. Esto da pie a un xuegu prestosu colos asistentes, enllenu de rises y sorpreses.