Nunca dexaron de tar xuntos. El nome d’esti show nun tien nengún tipu de sentíu, pero asina decidieron bautizalu los cómicos Facu Díaz y Miguel Maldonado, que van percorrer el país de cabu a rabu cargaos de chancies y chistes pa deleitar al so públicu. De nuevo, como siempre, con un güeyu puestu na actualidá y l’otru na broma porque sí. Riéndose ensin muncha conocencia pero con munchu convencimientu. Una fórmula que-yos fixo dexar la precariedá y instalase na burguesía a pasos axigantaos.

Entregaos a una vida de lluxu pero ensin escaecer d’aú vienen, quieren celebrar los sos 10 años de carrera como dúu con un  espectáculu nuevu colos sos sketches y los sos monólogos. Namás y nada menos que lo que la xente espera d’ellos. Van facer lo que saben facer, ensin arriesgar demasiao, nun esperen pirotecnia nin backflips. Que salga de la so zona de confort el que quiera, porque ellos nun lo van facer