Circuitu d’artes visuales

Un proyectu de: Pablo Casanueva

La imaxe, lo tapecío ye l’adaptación espositiva de la película Luna. Un desglose visual y espacial qu’amplía los materiales y percorríos que se presenten nel llargumetraxe. Trátase d’un collage formáu por fotografía, pintura, audiovisual y material d’investigación onde se [re]construyen los percorríos, de vida y d’alcordanza, de la familia del autor depués de la Guerra Civil Española y la Dictadura Franquista. Esti proyectu vuelve a recoyer les pieces diferentes presentes nel filme, como son la semeya familiar, la pintura relixosa y popular, la investigación histórica o la creación audiovisual cola idea de buscar una llectura atemporal y establecer asina un diálogu qu’amplíe reflexones y visiones sobre unes idees comunes sobre l’alcordanza.