Circuitu de música

Compañeras faen nesti conciertu un percorríu pela historia, usos y vezos de l’Asturies de los sieglos XIX y primeros del XX, al traviés de la música tradicional. Cada cantar del repertoriu  acompáñase con una esplicación que dexa conocer ónde se recoyó, socesos históricos d’esa zona, trabayos característicos del llugar o forma de vida d’esi tiempu. 

Esos cantares, polo xeneral, interpretábenlos muyeres qu’inventaben tanto la música como les coples, y aprovechaben el momentu del cantu pa cuntar lo qu’asocedía alredor, les sos vivencies y los sos sentimientos. D’ehí surde’l nome del proyectu: Contar cantando.