Un proyectu de: A Bulto Cultura

Esta propuesta concíbese como la producción y esposición d’una serie d’obres que Ramón Isidoro fraguó nel so trabayu de taller a partir de la conxunción de xérmenes compositivos con oríxenes abondo diferentes: les sos intervenciones en delles escenografíes, los trabayos llumínicos n’espectáculos musicales, pintures recuperaes, semeyes, esbozos en fermentación y inclusive dalgún descubrimientu ready made. El nexu qu’agrupa esti conxuntu ye la singularidá del puntu de partida, que produz que nelles s’axunten delles de les apuestes plástiques del autor: la pintura que perpasa’l marcu y el soporte, la composición ensin llendes, l’usu de la lluz y del color llumínicu como elementu pictóricu, la dixebra dimensional hasta pieces cuasi escultóriques o la tela recuperada non solo como recursu constructivu sinón tamién cromáticu.