Circuito de narración oral

“Yera que yera una neña tan pequeña que nun yera a ver les coses con perspectiva…” Asina entama esta fascinante historia de la que firma testu y música Alicia Álvarez, cantante y guitarrista de Pauline en la Playa. Una historia ilustrada por Alicia Varela na que Pulgarina, una protagonista diminuta y ablayada pol so tamañu, entama un viaxe de descubrimientu personal onde nada ye lo que paez sinon namás una cuestión de perspectiva.

 Na so puesta n’escena, la autora canta y cuenta con voz y guitarra esti fabulosu rellatu, acompañada pola proyección de les imáxenes del cuentu y col compañía nel escenariu del multinstrumentista David Varela que cola so acordión diatónica, percusiones y un serruchu tocáu con arcu, afonda xunto a l’autora nesta emocionante llectura musicada enllena de metáfores, simbolismos y poesía doméstica pa tolos públicos.